Publikuar më: 14/10/2025
Ç’regjistrimi
Çregjistrimi është procedura ligjore me anë të së cilës personi juridik çregjistrohet zyrtarisht nga regjistri i tatimpaguesve në Qendrën Kombëtare të Biznesit (QKB) dhe administratën tatimore, duke ndalur aktivitetin e tij ekonomik.
Çregjistrimi bëhet:
- Kur personi juridik vendos të ndërpresë përfundimisht veprimtarinë/aktivitetin ekonomik/jofitimprurës dhe nuk ka ndërmend ta rifillojë më.
- Kur personi juridik ka mbaruar aktivitetin dhe nuk kryen më veprimtari ekonomike/jofitimprurëse.
- Në rast mbylljeje të biznesit, tërheqjeje ose vdekjeje.
- Kur përmbushen kushtet ligjore për ndalimin e veprimtarisë dhe kërkohet çregjistrimi.
Hapat kryesorë:
- Paraqitja e kërkesës për çregjistrim në QKB
Kërkesa mund të dorëzohet online ose në sportelin e QKB-së, duke plotësuar formularin përkatës.
- Dorëzimi i dokumenteve mbështetëse
Mund të kërkohen dokumente që provojnë ndërprerjen përfundimtare të aktivitetit (p.sh., deklarata, dokumente tatimore).
- Njoftimi i administratës tatimore për çregjistrimin, në mënyrë që të përfundojnë përllogaritja dhe shlyerja e detyrimeve tatimore.
- Verifikimi i detyrimeve tatimore të papaguara
Para çregjistrimit, personi juridik duhet të ketë përmbushur të gjitha detyrimet tatimore.
- Fshirja zyrtare nga regjistri dhe marrja e një certifikate ose konfirmimi për çregjistrim.
Nga momenti i çregjistrimit:
- Personi juridik nuk mund të ushtrojë më veprimtarinë/aktivitetin ekonomik/jo-ekonomik pa u regjistruar sërish.
- Ndalohen të gjitha deklarimet dhe nuk ka detyrime të reja tatimore për periudhën pas çregjistrimit.
- Detyrimet e papaguara mbeten për t’u paguar edhe pas çregjistrimit.
Nëse pas çregjistrimit personi juridik dëshiron të rifillojë aktivitetin, duhet të bëjë një regjistrim të ri në QKB dhe orgamet tatimore, si fillim i ri i aktivitetit.