Publikuar më: 17/06/2025

Jo Rezident

Individ jorezident, për qëllime tatimore, është një person që nuk përmbush asnjë nga kushtet që e bëjnë një person rezident tatimor.

Konkretisht, një person është jorezident nëse:

1. Nuk ka shtëpi të qëndrueshme në Shqipëri;
2. Qëndron më pak se 183 ditë në Shqipëri gjatë vitit;
3. Nuk ka qendrën e jetës apo interesave ekonomike në Shqipëri;
4. Nuk ka një biznes ose zyrë ku ushtron aktivitet në Shqipëri;
5. Jeton dhe punon jashtë Shqipërisë, pa qenë funksionar i shtetit shqiptar.

Detyrimi për të paguar

Një individ jorezident është subjekt tatimi vetëm për të ardhurat që burojnë nga burime brenda Shqipërisë. Këto përfshijnë, ndër të tjera:

1. Paga për punë të bërë në Shqipëri;
2. Qiraja e pronave të ndodhura në Shqipëri;
3. Interesat dhe dividendët e paguar nga subjekte shqiptare;
4. Fitime nga pasuri të paluajtshme në territorin shqiptar;
5. Honorare dhe shërbime të kryera në Shqipëri;
6. Fitime nga lojëra fati, trashëgimi apo dhurata me burim në Shqipëri.